9. 2. 2024: Патріотична стрїча в Йонкерс

Доповід на тему Руской Народной Республикы Лемків выголосит др Богдан Горбаль.

Карпаторусиньскій Америцкій Центр Lemko Hall (Carpatho-Rusyn American Center Lemko Hall) в Йонкрес хоче упамятнити, а при тым і спопуляризувати знаня о періоді Руской Народной Республикы Лемків – інформує о тым наш еміґрацийный діяч Андрий Медвід.

Подія одбуде ся в давным значучым осередку лемківской еміґрациі в ЗША – в Йонкрерс. Тематична стрічуе буде 10. марця 2024 р., о 13.00 год. в парохіяльных просторах місцевой православной церкви.

Головну доповід на тему істориі Лемківской Республикы выголосит др Богдан Горбаль, єден з теперішніх діячів реактивуваного давного Лемко-Союза в ЗША і Канаді. Хоц, як заявляют орґанізаторы, а і сам др Горбаль, подія має мату форму одкрытой дискусиі, так штобы каждый присутный міг дати своє звіданя, поділити ся своіма спостережынями. Вступне на подію дармо. Орґанізаторы просят, жебы поінформувати іх скорше о своій участи, пишучы на майль: lemkohall@yahoo.com.

За справом діяльности такых орґанізаций як Lemko Hall ци Лемко-Союз од парох шумных років в ЗША і Канаді оджыват соспільне жытя лемківской еміґрациі (днес уж в більшости потомных тых, якы перед роками еміґрурвали зо Старого Краю). Стріча посвячена як раз істориі Руской Народной Республикы Лемків є певністю результатом того, што орґанізаторы знают, же історична памят є необхідна в будуваню ґруповой достоменности нациі. Так тіж окрем розрывковых подій (як хоц -ы пікнікы ци забавы) Lemko Hall штораз частійше старат ся запрашати до участи в подіях на тему істориі і культуры Лемків.

Стріча буде нагодом почути о істориі періоду лемківского політичного вздвигу од вызначного знавці той тематикы. Др Богдан Горбаль то доднес ци не єдиный лемківскій дослідник, якій не лем занял ся в 90 роках ХХ ст. досліджаньом істориі республикы, але його книжка з 1997 р. «Działalność polityczna Łemków na Łemkowszczyźnie 1918 – 1921» остає основом до дальшых розважань.

Севериян КОСОВСКЫЙ, ЛЕМ.фм.

(Публікуєме в оріґіналї – лемківскім варіантї русиньского языка.)