6. 3. 2021: Пробны матуры в Польщы

Од середы 3. марця 2021 проходят в Польщы пробны матуральны іспыты орґанізуваны Центральном Еґзамінацийном Комісийом. Потырвают они до 16. марця 2021 Участ шкіл в пробных еґзамінах не єст обвязкова. Еґзаміны мают быти проведены в условіях як найбарже зближеных до обовязуючых в часі правдивых матур, з захованьом санітарного режіму. Пробны еґзаміны обнимают і іспыты з меншыновых языків, в тым з лемківского языка на основным і розшыреным рівни. Тогорічны абітуриєнты можут іщы приступити до пробного еґазміну з лемківского языка на розшыреным рівни, якій пройде посліднього дня іспытів, тє. 16. марця. Для тых учеників, котры не можут приступити до пробных матур, еґзамінацийны аркушы будут поміщены на вебсайтах Центральной Еґзамінацийной Комісиі, Міністерства Едукациі і Наукы та округовых еґзамінацийных комісий.

Ленка СТЕФАНОВСКА, ЛЕМ.фм

(Публікуєме в оріґіналї – лемківскім варіантї русинского языка.)