5. 6. 2019: Штуденты Studium Carpato-Ruthenorum 2019 навщівили Інштітут русиньского языка і културы

  • • Докторанд Мулай Заідан Лагйой з Фрайбурґской універзіты у Фрайбурґу ся у своїй дізертачній роботї концентрує на спрацованя бісїдного русиньского  языка до інтернетового корпусу, котрый бы могли хосновати вшыткы, котры ся хотять научіти по русиньскы, але ай шпеціалісты з области лінґвістікы.

    • Докторанд Мулай Заідан Лагйой з Фрайбурґской універзіты у Фрайбурґу ся у своїй дізертачній роботї концентрує на спрацованя бісїдного русиньского  языка до інтернетового корпусу, котрый бы могли хосновати вшыткы, котры ся хотять научіти по русиньскы, але ай шпеціалісты з области лінґвістікы.

Штуденты юбілейного – десятого рочника тройтыжднёвого едукачного проєкту Меджінародной лїтнёй школы Studium Carpato-Ruthenorum 2019 мають за собов першый тыждень лекцій з русиньского языка і історії Русинів. В послїднїй день навчаня – у пятніцю, 14. юна 2019,  по лекції языка обидві ґрупы (зачаточници і покрочілы) пришли на Інштітут русиньского языка і културы, де їх прияла одборна асістентка і учітелька русиньского языка ПгДр. Кветослава Копорова ПгД.

Докторка Копорова представила штудентам штруктуру і актівіты Інштітуту, котрый є од року 2016 частёв Центра языків і култур народностных меншын Пряшівской універзіты в Пряшові. 21 участників тогорочной лїтнёй школы мало можность купити сі в Бібліотецї карпаторусиністікы публікації з области карпаторусиністікы нелем научного і одброного характеру, котры были выданы в рамках інштітуту, але таксамо публікації умелецькой літературы, выдаваны розлічныма русиньскыма oбществами і орґанізаціями. Загранічных участників з Америкы і Канады заінтересовала передовшыткым література про найменшых – в тім контекстї авторы Людміла Шандалова, Петро Ялч, Квета Мороховічова-Цвик, Івета Мелнічакова, Юрко Харитун і дакотры далшы.

-кк-, фото: Міхал Павліч

Script logo