5. 3. 2018: Чісло булгарьского часопису, котре присвячене і Русинам

Кінцём минулого рока вышло чісло бугарьского часопису „Balkanistic Forum / Балканистичен форум 3/2017‟ (ISSN 1310-3970). Уж ёго підназва ‟Малките‟ езици и култури / „Small“ Languages and Cultures“ дає знати, же є присвячене „малым‟ языкам і културї, в тім чіслї і русиньскому языку і културї. Главным редактором того часопису є доц. Др. Петър Воденичаров а зоставительков є Маринела Младенова. Тот научный часопис выдавать Меджінародный універзітный семінар о балканістічных штудіях і шпеціалізаціях при Югозападній універзітї „Неофит Рилски‟ у Благоевградї. В тім чіслї ся публікує і одборна статя доц. ПгДр. Анны Плїшковой, ПгД., під назвов Языковый манажмент в процесї штандартізації літуратурного языка карпатьскых Русинів (с. 78 – 94).