4. 11. 2020: Недожытых 80 років бывшого председы Рускей матки – Михала Варґу

Михал Варґа (Міхайло Варґа, Михайло Варґа) нар. 5. 11. 1940 у Рускiм Керестурї, у бывшій Югославії, теперь на теріторії Войводины у Сербії, умер 20. 4. 2007 у Рускім Керестурї, Сербія. Быв педаґоґом, освітным адміністратором, редактором і сполоченьско-културным діятелём русиньской орьєнтації у Войводинї.

По скінчіню педаґоґічной школы у Сомборї (1955 – 1960) М. Варґа быв учітелём у русиньскій основній школї (1958 – 1985) у Руськім Керестурї і директором (1985 – 1993) основной школы і ґімназії у тым же містї. Є автором русиньскоязычной чітанкы про школы („Лектира за ІІ класу: Майске вешелє‟, 1977), быв редактором дїтьского часопису „Дзвончок‟ (1970 – 1991) і молодежного часопису „Швитаня‟ (1972 – 1974). М. Варґа быв актівным участником културных і сполоченьскых акцій войводиньскых Русинів, од 1970-ых років быв єдным із орґанізаторів фестівалу „Червена ружа‟; у 1996 – 2001 роках быв пріматором міста Рускый Керестур. Підпоровав возроджіня од 1989 року русиньской народностной орьєнтації у Войводинї і выступав за тїсны контакты з Русинами на карпатьскій отчізнї як председа (1993 – 1999) общества „Руска матка‟ і член Світовой рады Русинів Світового конґресу Русинів. Быв зоставителём книг про діятельство тых орґанізації: „Зборнїк роботох зоз трецого шветового конґресу русинох/руснацох, лемкох‟, 1997; „Руска матка Югославії‟, 1998.

Павел Роберт МАҐОЧІЙ, здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 78-79, переклад з україньского языка: А. З.