31. 8. 2023: Успішна обгаёба дізертачной роботы Мґр. Михалы Голубковой, ПгД.

  • • Нова успішна обгаёба дізертації Мґр. Михалы Голубковой, ПгД., на Інштітутї русиньского языка і културы ПУ, iз своёв школительков доц. ПгДр. Аннов Плїшковов, ПгД., універзітнов професорков. Фото: Мґр. Зденка Цітрякова, ПгД.

    • Нова успішна обгаёба дізертації Мґр. Михалы Голубковой, ПгД., на Інштітутї русиньского языка і културы ПУ, iз своёв школительков доц. ПгДр. Аннов Плїшковов, ПгД., універзітнов професорков. Фото: Мґр. Зденка Цітрякова, ПгД.

Дня 28. авґуста 2023 ся в просторах Бібліотекы карпаторусиністікы на Інштітутї русиньского языка і културы одбыла успішна обгаёба дізертачной роботы Мґр. Михалы Голубковой, ПгД., під назвов „Языкова култура і языкова норма в русиньскых електронічных медіях в Словацькій републіцї‟.

Іде о далшый вызначный момент про русиністіку як научну дісціпліну. Четверта абсолвентка докторьского штудійного проґраму успішно обгаїла свою дізертачну роботу і здобыла тітул ПгД. (філозофії доктор). Мґр. Михала Голубкова, ПгД. є абсолвентков вшыткых трёх штудійных проґрамів заміряных на русиністіку на Інштітутї русиньского языка і културы а остатнїй рік і членков робочого колектіву.

Барз ся тому тїшиме а сердечно ґратулуєме! Михалї, жычіме много успіхів у далшій роботї.

Мґр. Зденка ЦІТРЯКОВА, ПгД., Інштітут русьньского языка і културы Пряшівской універзіты

Script logo