28. 6. 2016: Выйшов ІІ. том кньжкы „Русиньскый ренесанс‟

Теперь ся нам дістала до рук книжка „Русиньскый ренесанс. Том ІІ. Антолоґія русинської прозы другой половкы ХХ сторочя‟ (Будапешт: „Столичноє Русинськоє Націоналноє Самосправованя‟ і „Русинськоє Націоналноє Самосправованя Терийзвароша‟, 2015, 168 стор.)

Ту зоставителька антолоґії Др. Маріанна Лявинець помістила коротку прозу і уривкы з векшой прозы русиньскых авторів із Хорватії, Канады, Мадярщіны, Польщі (Лемковины), Сербії (Войводины), Словакії, Україны (Підкарпатя) і Чехії. Они суть представлены з красныма ілустраціями Адріанны Мальчицькой-Антонієвой. Словакію ту презентують русиньскы творы Слызы матери і Материна правда Марії Мальцовской і Русиньске гнїздо Штефана Смолея. На зачатку книгы є подякованя тым, котры з окремых країн помогли при збераню русиньской прозы до антолоґії, а єдночасно вызва, цітуєме:

„Дорогы читателі! Обертаме ся ид членам русинськых общин каждої державы, де жывуть Русины, заганяти літературні матеріалы на адресу редакції: lavinec@freemail.hu Мы хочеме продовжовати серію „Русинськый ренесанс ІІІ‟, бо література є свідітельством того, ош є такый народ, Русины – котрым удалося сохранити свуй язык, културу, и внести вклад у світову културу.‟ Віриме, же многогы з Вас поможуть у тім дїлї, за што Вам допереду дякуєме.

-аз-