28. 4. 2020: Рішено о термінах іспитів

В пятницю, 24. квітня/апріля, прошла пресова конференция міністра здоровля Лукаша Шумовского, міністра едукациі Дариюша Пьонтковского та нового міністра вчыня і высшого шкільництва Войцєха Мурдзека. Міністер Пьонтковскій поінформувал, што теперішні епідемічны обставины не дозваляют ученикам вернути до шкіл та одновити діяльніст такых інституций як предшколя. Рішено о дальшым ограничыню працы тых обєктів до 24. мая. Не будут тіж діяти высшы школы, занятя будут дальше орґанізуваны на дистанс. Матуральны еґзаміны зачнут ся 8. червця/юнія іспытом з польского языка і будут тырвати до 29. червця/юнія. Матуры будут лем писемны, не буде устных еґзамінів. 16. червця/юнія зачне ся тридньовый еґзамін для учеників осмой клясы. Вшыткы еґзаміны будут ведены з дотримуваньом санітарных принципів – медже інчыма обовязуючой одлеглости медже особами. (позн. ред.: то ся тыкать і Лемків у Польску.)

Ленка СТЕФАНОВСКА, ЛЕМ.фн

(Публікуєме в оріґіналї – лемківскім варіантї русиньского языка.)