27. 5. 2020: Роздумуєме, же зрушиме 9. класу, говорить міністер школства Ґрелінґ. Одборници в тім затля смысел не видять

Міністер Бранїслав Ґленінґ (SaS) роздумує і о тім, ці бы основна школа мала трывати вісем років, а 9. класы бы зрушили. Міністерство школства ся дотеперь але мусило занимати главно коронавірусом і запертыма школами. Нове веджіня але роздумує над сістемовыма змінами. Міністер Бранїслав Ґрелінґ говорить, же діскутують і о зрушіню девятой класы основной школы.

„Знаме, же учнї нам одходять на вісемрічны ґімназії, пізнїше і на біліґвалны ґімназії. Роздумуєме, ці ай девята класа в тым розузмінї мать смысел і ці ю хочеме охабити,‟ твердить Ґрелінґ. Додає, же затля іде лем о інтерны діскусії, котры хоче пізнїше перенести і на діскусію з одборнов верейностёв – з учітелями, директорами і зряджователями.

Подля Ґрелінґа наісто не треба чекати зрушіня девятой класы з рока на рік і такій великій змінї в сістемі мусить передходити приправа і зміна учебных основ. „Навчаня, котре є натягнуте од пятого до девятой класы, бы сьме мусили управити на штири рокы. Жебы учнї, котры будуть наступовати до пятой класы, наступовали уж од дачого нового,‟ твердить міністер школаства.  

Зрушіня 9. класы бы подля Ґрелінґа могло помочі і тым слабшчым учням. Кедь теперь кончіть 10-рочне повинне навчаня в 1. класї середнїх школ, при 8-рочній основній школї бы мусили доштудовати.

Здрой: Деніса ҐДОВІНОВА, Denník N, переклад зо словацького языка: А. З.