27. 3. 2023: У Виноградові одсвятковали 100 років Общества Духновіча

Як інформує сайт Центра култур народностных меншын Закарпатя, в суботу, 25-го марца 2023-го року, у Виноградові одбыло ся святочне засїданя з нагоды сторочніцї основаня Общества імени Александра Духновіча.

Орґанізатором події было Закарпатьске областне науково-културолоґічне Общества імени Александра Духновіча. Глава общества, Юрій Продан, выступив з рефератом о історії створїня орґанізації, але і о роботї общества.

Меджі далшыма выступаючіма были Юрій Шиповіч, глава Русиньского културолоґічного клубу, Євген Жупан, председа Народной рады Русинів Закарпатя, русиньскый писатель і председа раённого центра общества Михаіл Чухран і далшы.

На події брав участь і Олександр Лях, заступник директора оддїлїня – начальник управлїня народностей і реліґій одділіня стратеґічных комунікацій, народностей і реліґій Областной державной адміністрації, котрый привітав участників засїданя і передав діплом Закарпатьскому областному науково-културолоґічному Обществу імени Александра Духновіча з нагоды сторочніцї од основаня.

Петро МЕДВІДЬ, ЛЕМ. фм, языкова і ґрафічна управа: АРК в СР.