27. 10. 2023: Вишол октоберски МАК

НОВИ САД – У новим, октоберским числу часописа МАК у рубрики У фокусу мож пречитац о Музичним фестивалу „Водова фест 2023” о хторим пише Андреа Медєши, як и о трецим Стретнуцу рускей младежи о чим писал Михайло Ждиняк.

У рубрики МАК-ов колаж, мож пречитац розгварку зоз Данетом Макайом, авторки Мартини Надь, а Драґана Иванов, зоз швета науки и технолоґиї, приноши вистку о Нобеловей награди.

У рубрики Драгописи, Адрияна Фейди пише о сезонскей роботи у Горватскей, а свойо искуства зоз читателями МАК-у подзелєли Ана Малацко, Иван Будински и Алексей Бики. Силвия Маґоч, у рубрики Млади и бизнис, пише о варґочох хтори ше виплєта зоз штучних власох, а о своїм бизнису приповедала Дарина Михняк зоз Коцура.

МАК-ов „АЛТ шоу” пише о The 1975, а у тим чишлє мож пречитац и їх стаємну рубрику ЧИ-ЧИ? У рубрики У 500 словох текст „Одказ” Ивана Лїкара, а вон и у тим чишлє пририхтал нови гумористични бок наволани „Нїби шмишне”. МАК-ов лексикон у октоберским чишлє виполнєла Ребека Планчак, а Михайло Планкош у його стаємней рубрики „Вецка нїч у МАК-у” писал о сериї Медведз.

На концу, у рубрики Мозаїк, Анита Чизмар дала свойо предклади за крадки сериї за уживанє. У тей рубрики мож пречитац и два писнї хтори написала Адрияна Фейди.

Л. ВЕРЕШ, Рутенпрес

(Публікуєме в оріґіналї – войводиньскім варіантї русиньского языка.)