25. 3. 2021: У новим „Руским слове”
НОВИ САД – У тринастим тогорочним числу новинох „Руске слово” рубрика „Тижньовнїк” пише о схадзки о Стратеґиї розвою образованя по 2030. рок у хторей участвовали и представнїки рускей заєднїци.
„Нашо места” даваю звит зоз схадзки УО Рускей матки, пририхтованьох за Вельку ноц у Руским Керестуре, а зазначена и епидемиолоґийна ситуация по локалних штредкох.
„Економия” пише о тим як роби пияц у Руским Керестуре под час пандемиї, о шацу паприґи и стану жита у дюрдьовским хотаре.
„Култура и просвита” пише о новосцох зоз керестурскей и дюрдьовскей Школи, док на бокох рубрики „Людзе, роки, живот” представена Ясна Папуґа зоз Белґиї и Владимир Рац зоз Канади.
„Духовни живот” пише о законченю проєкта „Нїтка любови у фамелиї” и о сходу католїцких владикох у Републики Сербиї.
На „Спорту” дознаваме резултати наших фодбалских клубох у їх першенствених лиґох, а ту представени и кик-боксер Иван Рац.
На концу новинох находзи ше рубрика з рецептами „Горуци тепши”, а як додаток у тим чишлє вишло „Литературне слово”.
Я. ДЮРАНЇН, РутенпреС
(Публікуєме в оріґіналї – войводиньскім варіантї русиньского языка.)