25. 12. 2017: Нове наряджіня влады СР поможе меншыновым школам

Влада СР на своїм засїнаню 13. децембра 2017 схвалила нове звучаня наряджіня влады, котрым ся зплїпшує фінанцованя школ, де ся дїти учать язык народностной меншыны або ся навчають в языку народностной меншыны.

 

Цїлём зміны Наряюджіня влады Словацькой републікы ч. 630/2008 З. з., котрым ся установлюють подробности роспису фінацій зо штатного розрахунку про школы і школьскы заряджіня, є звышіня мздового норматіву і норматіву на навчално-выховный процес у школах, котры выходять із звышеной персоналной і ходовой нарочности навчаня учнїв у школах з іншым навчалным якыком як словацькым.

    

„Змінов даного наряджіня влады ся подарило злїпшыти сітуацію школ із навчалным языком і навчанём языка народностной меншыны. За основне поважую, жебы ся сітуація меншыновых школ надале поступно злїпшовала і єм пересвідченый, же к тому уж днесь приспівать і обновленый Одбор выховы і навчаня народностных меншын,‟ увів штатный таёмник міністерства школства Петро Крайняк.
    

В практіцї пропозіція наряджіня реґулує мздовый норматів і нормартів на навчално-выховный процес на учня про школы з іншым навчалным языком як словацькым, окрем основной школы, котрый є 108 % встановленого норматіву; основным школам з іншым як словацькым языком, котрым належыть 113% норматіву; основным школам, в котрых ся учіть язык народностной меншыны 104% норматіву і школам із біліґвалным навчанём, котры дістануть 125 % норматіву. Тото наряджіня здобуде платность од 1. януара 2018.