23. 11. 2022: Споминаме 165-роча од народжіня священика і писателя ЕМІЛІЯ КУБЕКА

Емілій Кубек (Kubek Emil: Kubek Emilij A.) нар. 23. 11. 1857 у Штефурові В тогышнїм Угорьскім кралёвстві, теперь на теріторії Словакії, умер 17. 7. 1940 в Магоной Сіті, штат Пенсилванія, США. Быв священиком, лексікоґрафом, писателём русиньской народной орьєнтації в США.

Е. Кубек быв ґрекокатолицькый священик Пряшівской єпархії (рукополеженый в 1881 р.). По службі почас скоро двох десьроч у селї Снаков у пряшівскій области (1885 – 1904) еміґровав до США і од 1904 р. до своёй смерти повнив роль ґрекокатолицького священика в Магоной Сіті.

Перед одходом з Европы Е. Кубек закінчів свою найважнїшу языкознательску роботу – порівнялный словник „Старославянскій-оугорскій-русскій-нѣмецькій словарь къ священному писанію‟ (1906). Він став найпродуктівнїшым русиноязычным писателёв у США, опубліковав велике множество лірічной поезії і повідань. У векшынї з них переважали темы носталґії за русиньсков отчізнов, котру охабив навсе. Е. Кубек є автором єдиного русиноязычного роману, выданым в США. То є тритомный твор „Marko Šoltys: roman iz žiťja Podkarpatskoj Rusi“, написаный ёго родным діалектом пряшівской области (латиньскым шріфтом) і выйшов у ёго штиритоммній збірцї творів „Narodni povity i stichi“ (1922 – 1923).

Література: František Dancák, „Z galérie našich rodoľoubov: Emil Kubek“, in Gréckokatolícky kaledár 1977 (Братислава, 1976), с. 151-155; Микола Мушинка, „Еміл Кубек – перший романіст Закарпаття‟, іn Uукраїнський календар 1980 (Варшава, 1980), с. 213-215; František Dancák, Emil Kubek: kňaz, básnik, spisovateľ, jazykovedec, rodoľub (Prešov, 1999).

Проф. Др. Павел Роберт МАҐОЧІЙ, Торонтьска універзіта, Канада