20. 7. 2023: У новим „Руским слове”

НОВИ САД – На бокох Тижньовнїка у 29. числу новинох „Руске слово”, мож пречитац напис о Лєтней школи руского язика хтора ше отримує у Попраду у Словацкей дзе пребуваю и нашо 33-ойо школяре. О пошлїдкох нєпогоди хтора концом прешлого тижня залапела нашо места пишеме у рубрики Економия, док на бокох Нашо места увага на средствох хтори держава обезпечела за хижи на валалє.

У фокусу наших новинох Културна манифестация „Коцурска жатва” хтора прешлого викенду отримана у Коцуре. Єй програмом дате и найвецей простору у тим чишлє на бокох Култури и просвити.

У рубрики Людзе роки живот представени Сашу Роман зоз Бачкей Тополї, а на Духовних бокох, медзи иншим, пише о позлацованю олтарского столу у грекокатолїцкей церкви Покрову Пресвятей Богородици у Старим Вербаше.

На бокох Спорту предлужена започата тема о 50 рочнїци турниру у малим фудбалу у Руским Керестуре, а читаче дознаю и яки стан по дзепоєдних фодбалских клубох пред нову наступну сезону.

У 29. чишлє Руского слова маме и додаток “Дом и фамелия” хторей тема рочни одпочивки, а мож дознац и до хторих баньох у Мадярскей нашо людзе найволя пойсц.

И у тим чишлє годно пречитац интересантни написи наших дописовательох и колумнисткох, а на концу новинох понукнути рецепти у рубрики ,,Горуци тепши”.

С. ФЕЙСА, Рутенпрес