19. 7. 2019: Свято Лемків-Русинів в Червеным Кляшторі

Уж в найблизшу неділю, 21. липця/юлия 2019, в Червеным Кляшторі над Дунайцьом пройде шторічный фестіваль «Свято Культуры Лемків-Русинів».

Подія, котра своім наголовком вказує на нерозлучніст народа по польскій і словацкій стороні Карпат, з рока на рік притігат більше заінтересуваных. Фестіваль зачне ся молитовном стрічом. В само полудне одслужена буде Божеска Літургія св. Йоана Золотоустого, правлена в церковнославяньскым языку. Богослужыня очелювал буде попрадскій протопресвитер Ярослав Матоляк. Пак на обшыри курортного здрою в Червеным Кляшторі пройде крестный хід.

О год. 14.30 зачне ся культурный проґрам. Перша його част буде з наголовком «З русиньского серця». Выступлят Мариянна Железна, ансамблі Рутенія, Барвінок і Майдан та колектив з Польщы. По 18.00 год. зачне ся вечерній ґальовый проґрам, в котрым видіти буде мож Марияна Чековского з капельом і ґрупом Дрішляк. Радийо ЛЕМ.фм, як каждый рік, тримат медияльный патронат над фестівальом.

Севериян КОСОВСКЫЙ, ЛЕМ.фм

(Публікуєме в оріґіналї – лемківскім варіантї русиньского языка.)