18. 8. 2021: Русиньскый фестівал у Свіднику на Словакії 23. – 29. 8. 2021

Подія, котра є приправлена Русинами про вшыткых приносить од року 2013 унікатный проґрам. В рамках тыжднёвого фестівалу будуть выставкы умелецькых творів, презентації філмів, бесїды, выступлїня музичных, співацькых, танцёвалных і театралных колектівів.

Фестівал як цїлок є выслїдком намаганя о приближіня ся позерателёви каждой віковой катеґорії. Русиньскый фестівал хоче быти подіёв, котра сповнить тугу і намаганя Русинів на Словакії самостатно ся презентовати на цїлодержавній уровни, збогачуючі свого навщівника  нелем о звыкы, културу і язык Русинів.

Главнов думков фестівалу є намаганя Русинів указати, якы в реалности суть. Суть народом приправленым передавати своє културне богатство і єдночасно суть народом отвореным можностёв поучіти ся з традіцій, скушеностей і прямованя народів і култур іншых. І зато є главным одказом взаємна толерантность і решпектованя, сполупраца і іншпірація меджі Русинами і далшыма етніками, причім але є прикладом утриманя собі своїх унікатных традіцій і културы.

Проґрам тогорочного Русиньского фестівалу у Свіднику:

1. Понедїлёк, 23. 8., 16.00 год., Піддукляньскый освітнїй центер: Томаш Олїяр, Не забывай – выставка образів і бісїда.
2. Вівторок, 24. 8., 16.00 год., Театер А. Духновіча: Златый ключік або Буратіновы пригоды.
3. Середа, 25. 8., 16.00 год., Піддукляньска книжніця: Інштітут русиньского языка і културы Пряшівской універзіты в Пряшові: Русіністіка на Пряшівскій універзітї – навчаня, проєкты, выслїдкы – бісїда.
4. Четверь, 26. 8., 16.00 год., Піддукляньскый освітнїй центер: Андрій Беловещік.
5. Пятніця, 27. 8., вшытко на амфітеатерї: 19.00 год.: Анна Сервіцька і народна музика „Basawell“; 20.30 год.: Орфеус – музична презентація авторьской русиньской музикы; 21.30 год.: „Calibri Gang + DjDiull“; 22.00 год.: „Kalli a Peter Pann“.
6. Субота, 28. 8., вшытко на амфітеатрї: 19.00 год.: „PUĽS“ – Піддукляньскый умелецькый народный ансамбель; 20.30 год.: „Rusnack´s“; 22.00 год.: „Gladiator“; 23.30 год.: „Oldies párty Rádia Vlna“.
7. Недїля, 29. 8., сканзен, 10.00 год.: Літурґія св. Яна Златоустого з русиньскыма частями – Общество св. Йоана Крестителя /Фестівал Віры; Намістя слободы, 13.00 год.: Пєтный акт кладжіня вінцїв ку скулптурї ґенерала Лудвіка Свободы; 13.30 год., Памятник Совєтьской армады: Пєтный акт кладжжіня вінцїв з нагоды 77. рочніцї Словацького народного повстаня; вшытко на амфітеатрї: oд 14.00 год.: Домашнї умелецькы колектівы і гостя: „Muzikanci pozberanci“, універзітный фоклорный ансамбель „Mladosť“, жребованя вітязів купленых перманенток, „Hrdza“, „Súlad“ – гры, танцї і співанкы зо світа Славянів.

Iнформації:

http://www.rusinskyfestival.sk/

0948 475 025

kontakt@rusinskyfestival.sk

ПРИЄМНЕ ПОТЇШІНЯ І ПОУЧІНЯ З ОКРЕМЫХ ЧАСТЕЙ РУСИНЬСКОГО ФЕСТІВАЛУ (Фестівал културы Русинів) У СВІДНИКУ.