13. 7. 2023: У новим „Руским слове”

НОВИ САД – Двацец осме число новинох „Руске слово” на своїх бокох приноши вельо теми хтори прицагню увагу. На Тижньовнїку обявени звит зоз схадзки отриманей у будинку Влади АП Войводини, на хторей представителє националних совитох меншинох зоз шедзиском у Войводини подписали контракти по хторих звекшани даваня Совитом. На схадзки присуствовал и ресорни покраїнски секретар Жолт Сакалаш.

У рубрики Нашо места обявени текст о пременки намени шпиталю на Мишелуку у Новим Садзе хтори по тераз бул ковид шпиталь. На бокох рубрики Култура и просвита обявени текст о шлєбодних местох у керестурскей ґимназиї.

Духовни живот приноши текст о преслави Кирбю у Новим Садзе.

У рубрики Спорт призначени вецей теми, а медзи иншим текст о пременкох на лавочки у ФК Русин.

На концу рецепти у рубрики Горуци тепши, а вишли и додатки: Мозаїк и Руснаци и швет.

A. ПАЛАНЧАНИН, Рутенпрес

(Публікуєме в оріґіналї – войводиньскім варіантї русиньского языка.)