11. 9. 2019: Выставка робот Енді Варгола в Бардеёві

В днях од 26. 9. – 5. 11. 2019 буде у Горношарішскім центрї културы у Бардеёві презентована выставка Andy Warhol – HELLO! у серії „Warhol Tour 2019“.

Выставка є іншпірована назвов відеокліпу співанкы „Hello Again“ співацько-музичной ґрупа „The Cars‟, в котрім бере участь і Енді Варгол. Є конціпована так, жебы позерателёви дала можность близше спознати творчость умелця, ёго особности в пріватнім оточіню, як і особности поп-културы у 80. поках 20. стороча, творы іншпірованы сакралнов тематіков (Звістованя, Послїдня вечеря, Ісус...) і творы з тематіков смерти (Хресты, Скелеты...).

Єдночасно навщівницї можуть собі попозерати фотоґрафії Billyho Namea, котрыма захопив атмосферу Варголовой Silver Factory, ёго нюйорьского ательєру.

Цїлём кураторів проєкту „Warhol Tour“, котрого частёв є і тота выставкы, є попробовати приближыти шпеціфічность і істу таёмность умелця, котрого походжіня (позн. ред.: русиньске) є нам близке. Кураторами выставкы суть Др. Міхал Бицко, ПгД., Мґр Кармен Ціліпова і Мґр. Мартін Цубяк. Вернісаж выставкы ся одбуде 29. септембра (четверь) о 17.00 год.

Ярміла СУХА, Музей модерного уменя Енді Варгола в Меджілабірцях