10. 9. 2018: Писатель Лабірьской долины Штефан Смолей славить красный юбілей

13-го септембра 1933-го року народив ся в Рошківцях Штефан Смолей, плодный русиньскый писатель, котрый теперь жыє у Меджілабірцях. Став лавреатом Премії Александра Духновіча у 2014 роцї, яку му удїлив Научно-бадательскый центер у США за твір Бурї над Бескидами, котрый выдала Академія русиньской културы в СР (2013, 240 стор.).

Хоць цїлый ёго жывот уберав ся технічным напрямом, залюбив ся до писаня, до своёй родной Лабірщіны. Дотепрь написав выше тісяч творів у русиньскім языку – поезію, прозу, афорізмы, байкы, драматічны творы і многы тексты співанок, котры творили богатый репертоар спіцацького, колектіву Лабірчанка. Свої творы публіковав в русиньскых періодіках: Народны новинкы, Русин, Інфо Русин, Русиньскый народный календарь, Русиньскый літературный алманах і Колысочка, часописї про русиньскы дїти. Ёго поезії были опублікованы у зборниках русиньской поезії Муза спід Карпат (1996) і Тернёва ружа (2002). Од того часу вышли му уж самостатны творы в русиньскім языку, конкретно:

1. Чудны думкы (поезія, 2005)

2. Не ганьб ся, Русине! (поезія, 2005)

3. Юрковы пригоды (проза, 2007)

4. Бескідьскы співа (поезія, 2008)

5. Нагода або судьба (проза, 2009)

6. Людьскы радости і безнадії (поезія, 2011)

7. Чудный світ (байкы, 2011)

8. Несповнены тужбы (проза, 2012)

9. Пригоды із нашых сел (проза, 2012)

10. Бурї над Бескидами (проза, 2013)

11. Афорізмы (поезія, 2014)

12. Велиькый слюб (поезія і проза, 2014)

13. Співанкы з Під Убочі (співанкы, 2014)

14. Чудны пригоды (поезія, 2015)

15. Білы марґареткы (поезія, 2015)

16. Народны співанкы (співанкы, 2015)

17. Чом є то так? (проза, 2016)

18. Мамко наша (поезія, 2016)

19. Сценкы (проза і поезія, 2016)

20. Недописаны стороны (проза, 2016)

21. Обычайны слова (поезія, 2016)

22. Просьба і понука (поезія, 2017)

23. Рошківці – моё родне село (проза, 2017)

24. Нечекана навщіва (проза, 2017)

З нагоды юбілею желаме нашому юбілантови міцне здоровя, велике родинне щастя, красны выслїдкы у далшім писательскім діятельстві і надієме ся, же нас потїшыть іщі даякым своїм твором у русиньскім яыку. В тых днях, наприклад, має му выйти ёго послїдный дотеперь прозовый твір, а то Зпискы обычайного вояка, якый выдає Академія русиньской културы в СР. На моногая і благая лїта!