1. 9. 2020: Необычайна вернісаж іщі необычайнїшой выставкы

Дня 28. 8. 2020 зорґанізовав СНМ – Музей русиньской културы в Пряшові під тактовков кураторкы Даніелы Капралёвой необычайну вернісаж іщі необычайнїшой выставы ОДНОСИНЫ молодого пряшівского вытварного вытварника з русиньскыма корїнями (ёго отець походить із Руской Кайнї в окресї Гуменне), Владїміра Ґаная.

В розробленых просторах музею нашов молодый вытварник сімбіозу своїх образїв із стїнами зошкрябаной малёвкы і высокых стропів, одкрытой цеглы по замурованых дверях, дїркованых дверцей на великій стїнї ходьбы... Думам собі, же тоту необычайну выставу молодого талентованого пряшівского вытварника в розоставаных просторах СНМ – Музея русиньской културы в Пряшові – треба просто відїти на свої властны очі. Позываме Вас прийти попозерати чім скорїше нашу актуалну дочасну выставу, бо она буде тырвати, покы не дістанеме довго очекованы пінязї на докінчіня переставбы приземных просторів нашого музея. Несподївано зафунґовала алхімія красных высокых одкрытых стропів із великоплошныма олїями на полотнах Владїміра Ґаная. Ёго приятелька Майка повіла, же в такых красных просторах може вже нїґда Bладо не буде выставлёвати.

ПгДр. Люба КРАЛЁВА, ПгДр., директорка русиньского музею