1. 6. 2019: Проґрам Театру Александра Духновіча в Пряшові на місяць юн 2019

Приносиме вам проґрам Театру Александра Духновіча в Пряшові на місяць юн 2019-го року.

 

5-го юна 2019

Ковалї (Велика сцена, 19.00 год.)

 

Пєса сербского автора Мілоша Ніколіча є абсурднов, місцями терьпков комедіёв, котра вас заведе до ковальской дїлнї, десь в Нїмецьку. В нїй ся десяткы років по войнї стрїчають трёми ковалї, бывшы вояци, котры вдяка „службі отцюзнинї“ проплели свої судьбы і свої роды. Каждый забезпечів свого потомка і наслїдника своёй ковальнї. Но якраз тота реалность їх по роках дожене до безнадії і выжадать собі їх стрїчу. Но кому властно іщі потрібны ковалі і їх ковальнї? Чекать на вас много заплїток і розузлїнь.

 

12-го юна 2019

Пісковиско (Мала сцена, 19.00 год.)

 

Коли доростаме? І што то властно дорослость є? І є властно жадана в добі гіперреаліты, коли уж не мож точно повісти, што є досправдове і што фіктівне? Коли перебераме одповідность за властны дїла? Докажеме дати ясно знати свої чувства? Тужыме іщі по тырвалых односинах? Не сьме і в дорослости все дїтми і в дїтинстві дорослыма? Суть ВІН і ОНА іщі досправдовы, або то вже лем знакы у віртуалнім світї? Найлїпша пєса (гра) 21-го столїтя про двох акторів (грачів).

Выступліня ТАД мімо Пряшів

 

1-го юна 2019

Обіцянкы (Културный дім Воліця, 17.00 год.)

 

Театер Александра Духновіча пєсов Тайовского Обіцянок має намагу надвязати на драматурґічну лінію обявного інсценованя словацькых класічных творів у русиньскім културнім контекстї, в режійнім наштудованю Матуша Ольгы. Тайовскый пєсу написав у 1898-ім роцї і выдав єй за властны грошы, жебы в часї мадярізації дав словацькым аматерьскым театралам пєсу в материньскім языку, котру бы могли зробити і в рамках скормных условій. Днесь театер посередництвом того тексту хоче публіцї демонштровати театралну інсценацію як твориву роботу інсценаторів.

 

2-го юна 2019

Фараоны (Културный дім Ломне, 14.00 год.)

Фунґованя колхозу, в котрім панують класічны стереотіпы о діліню роботы на хлопску і женьску, нарушыть єдного рана вість і вычеряню позіцій. Там, де стояли хлопи, будуть жены і навспак. Што ся стане, кедь хлопи – функціонарі, нараз будуть женами, котры ся старають о обыстя? Комедія Фараоны приносить гуморну і выдарену моделову сітуацію на тему перевернутя сполоченьскых роль.

 

8-го юна 2019

Домашнє гніздо (Културный дім Шарішске Чорне, 18.00 год.)

Комедія о нас і справах, котры нас роблять тым, кым сьме: нашых родічах, нашых любвах, нашых несповненых снах і о тых, котры наповнили ся, хоць сьме ани не надіяли ся на тото, о надії – бо будьяк кліше і спрофанована є, все вмерать послїідня, ці ся нам то любить, ці нїт. Комедія нелем о Русинах і Выходї, а о каждім (і про каждого), хто колись мусив вернути ся домів, хто колись з дому хотїв втечі, хто даколи у своїм жывотї холем на даякый час став частёв даякого домова і взяв на себе дакотру роль: родіча, дїтины, сородника, мужа…

 

9-го юна 2019

Фараоны (Културный дім Колбівці, 14.00 год.)

 

15-го юна 2019

Фараоны (Културный дім Рогожник, 16.00 год.)

 

16-го юна 2019

Обіцянкы (Културный дім Бехерів, 15.00 год.)

 

19-го юна 2019

Ковалі (На дворі замку у Зволені, 21.00 год.)

 

23-го юна 2019

Фараоны (Културный дім Орлов, 14.00 год.)

Петро МЕДВІДЬ, Лем.фм