9. 6. 2020: Премєр: „СР отварять граніцї з далшыма 16-ёма країнами, рушить ся повинна карантена.‟

Словеньско одкрыє граніцї з далшыма 16 країнами. Ку Мадярьску, Чеській републіцї і Австрії прибыло Нїмецько, Ліхтенштайньско, Словіньско, Хорватьско, Булгарьско, Ґрецько, Ціпрус, Малта, Естоньско, Литва, Лотишско, Фіньско, Норьско, Даньско і Ісланд. З даныма країнами ся обновують тыж вшыткы формы транспорту. У вівторок (9. 6. 2020) о тім інформова премєр Іґор Матовіч (OĽaNO). Єдночасно од середы (10. 6. 2020) од 7.00 год. ся рушить повинна карантена про приходящіх із іншых країн.

„Тоты країны конзіліум індентіфіковав як безопечны країны про обчанів СР,‟ сконштатовав премєр з тым, же платить і то, же ани обывателї даных країн не суть грозьбов про СР. Із вшыткыма штатами але не платять білатератны договоры, обчане бы сі зато мали овірёвати, якы крітерії має країна, до котрой путують.

„Рушить ся повинна штатна карантена і тзв. е-карантена і переходитя ся на добровольну домашню карантену, в припадї, кедь люде приходять з іншых як тых 19-ёх безпечных країн,‟ высвітлив тыж премєр. Главный гіґієнік СР Ян Мікас, але вызвав людей, жебы самы контактовали реґіоналный уряд верейноіго здравотництва, ішли до домашнёй ізолації і дали ся отестовати на новый коронавірус.

Здрой: Медіалный сервіс Уряду влады СР, переклад із словацького языка: А. З.

Script logo