9. 4. 2020: В ромскых локалітах на Спішу є в карантенї коло 6200 людей

Кромпахы 9. апріля 2020 (TASR/HSP/Фото: TASR – Франтїшек Іван) Коло 6200 людей в пятёх ромскых локалітах на Спішу є в карантенї, про TASR то пітвердила пріматорка Кромпах і старостове сел Жегра і Быстра в окресї Спішска Нова Вес. Подля їх слов люде ту суть затля дісціплінованы. Є ту 31 накаженых. Осады стражыть поліція.

Як увела пріматорка Івета Рушінова, в Кромпахах од півночі заперли уліцї Дружстевна, Горнадска і часть Старой Машы, де жыє вєдно коло 1900 аж 2000 людей. „Забезпечуєме про них засобованя пітнов водов, потравинами, а теперь рїшыме здравотну службу. Вшытко є в руху. Хочеме, жебы были забезпечены основны жывотны потребы про людей, котры суть в карантенї, і жебы было забезпечене здоровя остатных жытелїв в рамках Кромпах‟, повіла пріматорка.

Зо словацького языка перетлумачів: А. З.

Script logo