9. 4. 2020: Вытворили го в лабораторії? Нїт, коронавірус мать природне походжіня, говорить словацькый ґенетік

  • Фото – TASR/AP

    Фото – TASR/AP

Выпущаня кошпірачных теорій од людей, котры ся ідентіфікують з научнов комунітов, є годне кары за шлендріянство, говорить ґенетік Любомір Томачка з Універзіты Коменьского в Братїславі.

Дотеперь ся новым коронавірусом по цїлім світї наказило коло 1,5 міліона людей і понад 88 тісыч хворых на COVID-19 уж вмерло. Суть заперты граніцї і обходы, можности руху людей суть обмеджены. Країны выголошують крізовый став і здравотніцькый сістем у многых країнах не стигать боёвати з новым коронавірусом.

Дашто таке зажыв світ послїднїй раз перед 100 роками, коли на іспаньску хрипку в роках 1918 аж 1920 вмерло одгадом 17 аж 100 міліонів людей.

Выняткова сітуація є жывым грунтом про шырїня неовіреных, кламливых ці коншпірачных представ.

В Чінї дакотры вірять, же новый коронавірус є дїлом CIA, вытвореный про ослаблїня Чіны. В Америцї і Европі є популарна протилежна представа, же Чіна выпустила вірус нароком, жебы ся збавити властной старнучой популації і ослабила звышок світа.

Ку тому колують справы о тім, же новый коронавірус ся „дивным способом подобать на HIV“, што прижывляює теорію, же быв штучно вытвореняй. А кедь штучно вытвореный не быв, так мінімално дійшло ку унику з лабораторій у чіньскім Ву-ханї, з котрых ся розшырив по цїлім світї. Денник N ку тій статї уведе споминаны дезінформыції на праву міру.

Ґенетік – коронавірус є природного походжіня

Але словацька і чеська дезінформачна сцена жыє в послїднїх днях главно высловом чеськой молекуларной біолоґічкы Сонї Пековой із Tilia Laboratories, котра повіла, же новый коронавірус „має характерістікы, котры не вызерають як природный ізолат.‟ Подля Пековой є в реґулачній области вірусу – якойсь турнї ряжіня, выдкы ся спущать репліка – тілько шырокых змін, же є неправдоподне, жебы взникли природно. Зато собі думать, же вірус бы міг быти выслїдком нагодого унику з лабораторії.

Портал Уряду влады СР, переклад зо словацького языка: А. З.

Script logo