9. 10. 2020: Словацькы науковцї выробили PCR тесты з векшов чутливостёв односно  COVID-19

Словацькы науковцї выробили компоненты про PCR тесты на COVID-19,  котры суть чутливішы і єдночасно скорїше докажуть одгалити тоту хвороту. В пятніцю, 9. 10. 2020, о тім у научнім парку Універзіты Коменьского інформовав председа влады СР Іґор Матовіч (OĽANO) в притомности біохіміка Павла Чекана, віролоґа Бориса Клемпу і науковця Роберта Містріка. Науковцї з фірмы MultiplexDX подаровали штату 100 тісяч споминаных тестів.

„Окно, коли знаме захопиьти позітівно накаженого чоловіка, ся розшырило,‟ коментовав шеф фірмы MultiplexDX П. Чекан з тым, же на тестах

вєдно робили із Словацьков академіёв наук. Выроба єдного сету (позн. ред.: тесту) тырвала коло єдного дня. Фірма подаровала Словакії тесты уж і почас першой волны пандемії нового коронавірусу.

СР має подля Матовіча актуално достаток тестів. Підкреслив, же є роздїл, кедь їх треба куповати або суть подарованы. Конкретне чісло не увів, повів, же ся купують поступно.

Здрой: Портал Уряду влады СР