8. 3. 2021: Папа римскый має задум прийти на Словакію, приняв позваня презіденткы СР

Навщіва Папы римского на Словакії буде подля презіденткы сімболом надії.

Папа Франціск має задум припутовати на Словакію. В понедїлок (8. 3. 2021) то ознамив презідентцї Словацькой републікы Зузанї Чапутовій в реакції на єй позваня з децембра минулого рока (pozvanie z decembra minulého roka).

Інформовав о тім говорця главы штату Мартін Стріжінец. „Барз ся тїшу, Святого Отця будеме мочі привітати на Словакії, ёго навщіва буде наісто сімболом надії, котру барз потребуєме,‟ увела то З. Чапутова.

Словацьку презідентку приняв Папа римскый у Ватіканї в децембрї минулого року. „Інтерес прийти має наісто щірый,‟ повіла втогды о позваню на Словакію Зузана Чапутова.

На стрїчі говорили о актуалній сітуації у світї і на Словакії. Папа римскый подля презіденткы повів, же „по крізї николи ніч не зістає єднаке‟. Франціск одказав Словакії, жебы боёвала і вытримала.

Презідентка принесла Папови римскому штири великы адветны свічкы, выроблены у храненїй дїлнї людей із зневыгодненого середовиска. Даровала му тыж образ Богородіцї (Panny Márie), котра є патронков Словакії. Од словацькых науковцїв принесла Чапутова до Ватікану 10 тісяч „PCR testov‟ на коронавірус.

Здрой: HN Slovensko