8. 2. 2021: 125 років од народжіня Всеволода Коломацького, архімандріты Андрія

Всеволод Коломацькый, пізнїше архімандріта Андрій, нар. 8. 2. 1896 в селї Саражинки при Кіёві, втогдышнёй Російской імперії,  теперь на теріторії Україны, умер13. 2. 1980 в Румбурку в Чеській републіцї.

В. Коломацькый скінчів кієвске духовне учіліще, духовну семінарію і воєньске учіліще. В р. 1916  добровольно вступив до 127. плуку чехословацькых леґіонарїв, пізнїше до армады ґенерала Денікіна. По прогрї білоґвардійцїв у 1920 р. еміґровав до Турецька, дале до Румунії і на Підкарпатьску Русь у втогдышнїй Чехословакії.  Выбрав собі путь священика. На зачатку 30. років 20. ст. ся став архітектом і будователём православных храмів, выбудовав Храм Покровы Божой Матери в Ужгородї, храм-памятник в Ужгородї і Меджілабірцях, храмы в Чехії, на Словакії і на Підкарпатьскій Руси, довєдна 90 храмів.

Здрой: rusyn.sk,  управа тексту і переклад із словацького языка: ред. АРК в СР.