7. 6. 2020: Одсвяткуєме День Русинів Словеньска

Містна орґанізація Русиньской оброды на Словакії буде орґанізовати в Меджілабірцях ославы Дня Русинів Словакії. Подія зачне ся 12. юна 2020 о 15.30 год. святочным походом через місто, початок під Містным урядом.

В дальшім проґрамі торжества є одспіваня русиньской і словацькой гімны під таблицёв на Домі културы, выступлїня гостей, дале – декламація і спів школярїв та ґрупы Лабірьскы бетяре. Почас тырваня свята буде мож придбати русиньскы книжкы ці сувенїры. Кед хвиля не буде добра, то святкованя пройде в салї засїдань Міського уряду.

Русины жыючі на Словакії выбрали за день свого народного свята датум 12. юна, як одкликаня ся на датумы Днїв руськой културы, котры проходили в  Пряшівкій области в меджівойновім періодї, главно на святкованя із 1933 року, коли в центрї Пряшова одкрыли Памятник Александрови Духновічови.

Наталія МАЛЕЦКА-НОВАК, ЛЕМ.фм, управа і переклад із лемківского варіанту русиньского языка до русиньского языка на Словакії: А. З.

Script logo