7. 4. 2020: Обмеджіня руху почас Великодных свят має выняткы

Братїслава 6. 4. 2020 Штат дочасно заводжує найстрогішы крокы од першого припаду koronavírusu на Словакії. Од середы 8. апріля 00:01 до понедїлка 13. апріля 23:59 будучого тыждня прінціпіално обмеджує рух людей.

Тот заказ ся не односить на путь до роботы, купованя нутных потравив і лїків про себе або про свою родину, як і дорогу до здравотницького заряджіня. Вынятком є і рух в природї в рамках окресу.

Вшыткы матеріалы, якыма ся занимало на вчерашнїм засїданя влады найдете ту: https://rokovania.gov.sk/RVL/Negotiation/1047

„Кебы сьме теперь поволили, могли бы сьме вшытко попсути,‟ твердить премєр Іґор Матовіч, подля котрого бы наслїдкы было мож відїти о дакілько тыжднїв по святах.

Súvisiaci článok Čo hrozí, ak pôjdem cez Veľkú noc vyšibať starých rodičov? (otázky a odpovede) Čítajte 

Дочасне обновлїня гранічных котроль

Міморядны крокы влады на період свят ся дотулять і переходїв через граніцї. Штат од середы до пятніцї будучого тыждня обновлює котролї на граніцях з Автріёв, Мадярьском, Чеськов републіков і Польском.

На теріторії Словакії ся буде мочі дістати лем через дакотры гранічны переходы. В припадї граніць з Австрійсков републіков суть то переходы Братїслава – Яровце – Кіттсее (далніця і стара путь), Братїслава – Петржалка – Берґ, Моравскый Святый Ян – Гогенав.

В припадї граніць з Мадярьском іде о переходы Братїслава-Чуново – Райка (далнїця), Медведёв – Вамоссабаді, Комарно – Комаром, Штурово – Естерґом, Шагы – Парассапудса, Словеньскы Дярмоты – Балассадьармат, Шіаторьска Буковінка – Сатґотаріан, Краль – Банреве, Мілгость – Тормыснеметі (путь І/17 і путь Р4), Словеньске Нове Місто – Шатораяуйгелі (дорожный переход).  

На вступ з Чеськов републіков буде мож выужыти переходы Сврчіновець – Мости у Яблункова, Маков – Біла-Бумбалка, Горне Срніе – Брумов-Былнїце, Дріетома – Старі Грозенков, Моравске Ліескове – Страні, Лиса под Макитов – Стржелна, Врбовце – Велка над Велішков, Бродске – Бжецлав (далніця), Голіч – Годонін, Скаліца – Судомєржіце (нова путь).

На вступ з Польской републікы суть в данім періодї увстановлены переходы Трстена – Хижне, Вышнїй Комарник – Барвінек.

Кабінет Іґора Матовіча тыж продовжує заказ верейных акцій, запертя школ, граніць про чуджінцїв, меджінароднй транспоерт, окрем засобованя, значіть крокы схвалены попереднёв владов Петра Пеллеґрінія Smer).

Здрой: SME Domov i Портал Уряду влады СР

Script logo