7. 4. 2020: Можуть носити новонароджены дїти рушка? Одборници у тім мають ясно!

  • Здрой: www.pixabay.com

    Здрой: www.pixabay.com

Докторы підкреслюють: Маленькым дїтём не є вгодне на охрану перед новым коронавірусом давати на тварь рушка!

„Барз часто ся на нас обертають мамы, котры бы рады знали, як дати рушко новонародженій дїтинї. Позор, рушко новонароджена дїтина не сміє носити,‟ інформовав Народный інштітут дїтьскых хворот (NÚDCH).

Одборници пояснюють, же новонароджена дїтина до єдного місяця не докаже дыхати ротом, зато бы му рушкоко заваджало у вольнім дыханю. При недостатку кісліка бы му зачали синїти ґамбочкы і під рушком бы сьме собі тоту зміну не мусили збачіти. „Новонароджена дїтина тыж частїше одригує. Кебы мало рушко, не знали бы сьме то і могло бы ся задусити,‟ варує NÚDCH.

Найлїпша превенція є у новонародженых дїтяток подля докторів є ссаня матерьньского молока і ізолація.

Треба ся выгнути людём, шпыталям і верейным простопрам. „Але кедь мусите іти з новонародженов дїтинов до закратых просторів, так через стрїшку кочарика перешмарьте наприклад бавовняну пеленку,‟ радять одборници.

Новонароджены дїтины потребують сонце і свіжыв воздух, затро є добрї, окрем прогулькы в природї, дати постільку ку отвореному окну. 

Здрой: TASR

Script logo