6. 8. 2019: Лїто 2019 з Енді Варголом

Про любителїв творчости Енді Варгола і любителїв вытварного уменя вообще Музей модерного уменя Енді Варгола (ММУЕВ) в Меджілабірцях на місяць авґуст 2019 приправив творчі дїлнї і серію лекцій.

Творчі дїлнї рібітници музею приправили на каждый авґустовый вівторок од 13.00 до 15.00 год. Тоты творчі дїлнї суть направлены на ранню творчость Ендія. Участници творчіх дїлень ся так можуть дізнати у о Варголовій пре поп-артовій ерї: о техніках, котры поужывав і темах, котрыма ся інтересовав. Участників дїлень робітници музею будуть ся намагати підхопити к примиманю лінеарной, фаребной ці просторовой композіції вытварных творів. Вытварны дїлнї суть заміряны на познаня і модіфікацію творів з Ендіго раннёй творчости, при котрій познакомиме навщівників, наприклад, із техніков блоттед-лайн, мотівами Варголовых ручно выробленых печаток або з темами творів в одношіню з ёго жывотом.

Єдночасно в авґустї буде продовжовати серія одборных лекцій, іншпірованых жывотом і творчостёв Енді Варгола, котры буде чітати главный куратор ММУЕВ Др. Міхал Бицко, ПгД і Мґр. Вероніка Турцманічова. Подробнїшы інформації ся дізнате з приложеных летаків.

Мґр. Кармен ЦІЛІПОВА, ММУЕВ у Меджілабірцях.