6. 4. 2020: 75 років од заложіня тыжденника войводиньскых Русинів – „Руске слово‟

„Руске слово‟ – тыжденник, котрый ся друковав у Руськім Керестурї (1945 – 1967) а дале – в Новім Садї (1968 – ) про Русинів Войводины в Сербії.

Од часу заложіня тоты новинкы выдавали ся лем в языку войводиньскых Русинів (бачванско-сримска бешеда) у тіражу од 1000 до 1400 фалатків. Были заложены як орґан „Народного фронту‟ (1945 – 1951), пізнїше стали орґаном выдавательства і друкарнї в Руськім Керестурї, а од 1968 р. – як орґан выдавательства „Руске слово‟ в Новім Садї. Новинкы „Руске слово‟ публіковали новины зо світа і інформації про події в Сербії, так істо як і новины зо жывота містной громады войводиньскых Русинів, а зачінаючі од 1990-ых років і про русиньскый рух у цїлому світї.

Новинкы в основнім позітівно передавали справы о діях уряду бывшой Югославії (теперїшнёй Сербії) а од 1990-ых років формално є орґаном парламенту автономной области Войводины. Меджі єй редакторами найзнамішы были: Штефан Чакан, Дюра Варґа, Дюра Латяк, Любомір Рамач, Гелена Медєші. „Руске слово‟ уж много років вадавать тыж різны додаткы: „Литературне слово‟, „Дикица‟, „Култ – култура, уметносц, литература, творчосц‟.

Література: Дюра Латяк, „Руске слово‟, 1945 – 1985 (Нови Сад, 1985); Юлиян Каменїцки, „Руске слово‟, 50 роки (Нови Сад, 1995).

Павел Роберт МАҐОЧІЙ,  здрой: „Енциклопедія історії та культури карпатських русинів‟ зоставителїв П. Р. Маґочія і І. Попа. Ужгород: „Видавництво В. Падяка‟, 2010, с. 204-207, переклад з україньского языка, звыразнїня писма і доповнїня тексту фотоґрафіёв: А. З.