6. 3. 2020: Елена ХОМОВА-ГРІНЁВА:  Порядок, День помершых, Душа поета (Стихы)

Елена ХОМОВА-ГРІНЁВА

Порядок

Пограбем листя в осени
попадане по траві
остали голы стромы
зоблечены шатами
під пахузом зо загородкы
однесу плоды лїта з двора,
непорядок і смітя.

 

Вечур (день померших-памятка)

Одрікам молитву вечур
за душы котры Господь взяв,
они як неонове світло
споза облачка світять дале нам.
Видиме запалену свічку,
горить поломень, він не згыне,
роздумуєм што прийде і чекать нас.

 

Душа поета

Душа поета
не дриме, не спить.

Душа поета –
то мед і сіль.

Душа поета
мінить ся, творить.

Душу поета
ранить кривда, грїх.

Душа поета –
то жаль і сміх.

Душа поета
пише і либить.

Душа поета –
то мелодія і язык.

Душа поета
так выллята на папірь.

(Выбране з Літературного конкурзу Марії Мальцовской, рік 2019.)