6. 2. 2017: Варголь в Ольштыні

Од 26. січня/януара т. р. в Ольштыні вказуват Варголя. Славны платні – славны окладинкы, то наголовок выставы, котру неодолга буде мож обзерати в ольштыньскым Бюрі Артистичных Выстав.

На выставі презентуваных буде коло 450 окладинок, в тым 60, якы были зроблены при участи Енді Варголя. Окладинкы походят з приватной колекциі ольштыньского колекцийонера Єжы Куровского. Як подає Юстина Банасяк, специялиста дс. выстав і промоциі БАВ, є то найпевнійше найбільша в Польщы колекция окладинок короля поп-арту. В експозициі найдут ся окладинкы леґендарных ансамблів The Rolling Stones ци The Beatles.

Окрема част выставы посвячена буде польскым авторам, м.ін. Рославови Шайбо, Станіславови Заґурскому ци Маркови Каревічови. Выставі товаришыла буде обшырна публикация, описуюча історию кумшту на окладинках, з особливым притиском на творчіст Енді Варголя. Выдавництво збогачене буде фаребныма репродукциями вшыткых ексопнуваных творів.

Вернісаж проходила 26. січня/януара о 18.00 год. в сідибі ґалериі (ul. Piłsudskiego 38), а выставу буде мож видіти до 5. марця 2016.

За: UM Olsztyn.

Наталія МАЛЕЦКА-НОВАК

 

(Публікуєме в оріґіналї – лемківскім варіантї русиньского языка.)