5. 9. 2018: В Лютинї припомянули сі 30 років од повышіня храму на базіліку

В селї Лютина 18-го і 19-го авґуста 2018 проходила єдна з найвекшых путей ґрекокатоликів на Словакії. Главну літурґію в Базіліцї мінор служыв пряшівскый архієпіскоп і метрополіта Ґрекокатолицькой церькви на Словакії – Ян Бабяк. На архієпархіалне одпустове свято до Лютины приходять каждый рік тісячі віруючіх на свято Успенія Пресвятой Богородіцї. Віруючі ся ту сходятьод 1855 року. Путь кінчіть у недїлю літурґіёв на Лютиньскій горї, де проповідовав того року кардінал Кох.

„На путницькых місцях панує чудесный покій, де чоловік з того світа войде до Божого покоя, де може начерьпати сил, одпочінути сі, ожыти... Є то такый духовныйм одпочінок,‟ повів містный священик Йозеф Новицькый. Тот рік є подля нёго вынятковый і тым, же є юбілейным нелем про пряшівску єпархію, але і про Лютину, котра славить 30 років одколи Ян Павел ІІ. повышив лютиньскый храм на Базіліку мінор.

Зато тогорічна путь была і дяковна за вшыткы дотеперїшнї милости. У приправі пути взяло участь 20 добровольників.

Жрідло: „TASR“, кор. АК