5. 5. 2020: Завтра ся зачне 2. і 3. фаза змірнёваня рештрікції у связи з хворотов КОВІД-19
Прияты крокы в реакції на коронавірус ся будуть поступно увольнёвати. Прияты рештрікції ся будуть увольнёвати у 4. фазах. Тото рїшіня стало платным од 22. 4. 2020. Меджі окремыма фазами увольнёваня ся препокладать одступ двох тыжднїв. Завтра, 6. мая 2020, вступине до 2. і 3. фазы увольнёваня рештрікції.
Што ся увольнить у 2. фазї?
• Короткодобе уквартелёваня (то є до 10 днї) з тоалетов і купельнёв , з донашанём їдла до ізбы, але без сполочного стравованя і іншых служеб,
• кадерніцтва, педікура і манікура,
• вонкашнї турістічны атракції,
• таксі служба,
• свадьбы і богослужбы,
– свадьбы будуть правдоподобно поволены з максімалным чісло 15 особ,
– богослужбы будуть поволены при дотримованю строгых условій: 25 метрів квадратных на 1 чоловіка і взяти участь на них будуть мочі правдоподобно особы молодшы як 65 років,
• дїтьскы клубы до 10 років,
– они суть урчены про родічів, котры роблять у важных позіціях в стратеґічніх інштітуціях, наприклад, поліція, електрарнї, войско,
– тоты дїти не можуть жыти вєдно із старыма родічами.
Platnosť nariadenia od: pravdepodobne začne platiť od 20.5.2020
Platnosť nariadenia do:
Што ся увольнить у 3. фазї?
• Обходы і службы до 1 000 м2,
• верейне стравованя (вонкашнї терасы),
• масажі і шпортовы рекондічны регабілітації (лем сухы процедуры),
• музеї, ґалерії і выставны просторы.
„Такзвана четверта фаза увольнёваня рештрікцій не настане, односно на інкубачну добу вірусу, скорїше як за 14 днїв. В тій фазї суть інштітуції з барз великым епідеміолоґічным різіком,‟ додав председа влады СР Іґор Матовіч. Обходы подля ёго слов зіставають аж до одкликаня заперты у недїлю.
Інтернетова сторінка BETA, лінк: korona.gov.sk, зо словацького языка перетлумачів і доповнив фотоґрафію: А. З.
