5. 11. 2016: Одбыла ся міджінародна конференція на Пряшівскій універзітї на Словакії

  • • В рамках міджінародной научной конференції, котра з половины была присвячена особности доц. ПгДр. Василя Ябура, к. н., передала з нагоды ёго 80. народенин Премію Александра Духновіча за вызначне дїло про Русинів у формі брондзовой сошкы карпатьского медвідя директорка Інштітуту русиньского языка і културы Пряшівской універзіты (ІРЯК ПУ) доц. ПгДр. Анна Плїшкова, ПгД.

    • В рамках міджінародной научной конференції, котра з половины была присвячена особности доц. ПгДр. Василя Ябура, к. н., передала з нагоды ёго 80. народенин Премію Александра Духновіча за вызначне дїло про Русинів у формі брондзовой сошкы карпатьского медвідя директорка Інштітуту русиньского языка і културы Пряшівской універзіты (ІРЯК ПУ) доц. ПгДр. Анна Плїшкова, ПгД.

  • • Погляд на часть участників міджінародной научной конференції, котры суть за челным столом: (злїва) юбілант доц. В. Ябур, к. н., Єй Ексцеленція амбасадор Булгарьской републікы на Словакії М. Ґанева, проф. ПгДр. Ю. Дудашова, др. н. із ІРЯК ПУ і директор Центра языків і култур народностных меншын проф. ПгДр. П. Каша, к. н.

    • Погляд на часть участників міджінародной научной конференції, котры суть за челным столом: (злїва) юбілант доц. В. Ябур, к. н., Єй Ексцеленція амбасадор Булгарьской републікы на Словакії М. Ґанева, проф. ПгДр. Ю. Дудашова, др. н. із ІРЯК ПУ і директор Центра языків і култур народностных меншын проф. ПгДр. П. Каша, к. н.

Інштітут русиньского языка і културы Центра языків і култур народностных меншын Пряшівской універзіты у Пряшові в сучасности є найвекшым і найактівнїшым центром русиністікы у світї. Окрем каждоденной роботы, звязаной з процесом едукації штудентів, одбывають ся там научны конференції, семінары і другы стрїчі, звязаны з проблематіков

карпаторусиністікы. В днях 3.4. новембра 2016 проходила в Пряшові міджінародна научна конференція під назвов Дінамічны процесы в сучасній славістіцї, котра была присвячена 20. річніцї лекторату булгарьского языка на Пряшівскій універзітї і 80. народенинам вызначного языкознателя і педаґоґа, кодіфікатора русиньского літературного языка на Словакії – доц. ПгДр. Василя Ябура, к. н. 

 

Якраз тому вызначному русиністови 4. новембра 2016 од 20.00 год. была присвячена релація лемківского Радія ЛЕМ.фм під назвов Языковый гокус покус, в котрій были схоснованы прословы о юбілантови почас конференції на Пряшівскій універзїтї.

 

Демко ТРОХАНОВСКЫЙ

Script logo