4. 11. 2016: Вышов цїнный зборник із міджінародной научной конференції Пряшівской універзіты
3. – 4. новембра 2016 на Пряшівскій універзітї (ПУ) у Пряшові на Словакії одбыла ся міджінародна научна конференція Дінамічны процесы в сучасній славістіцї... (О тій конференції принесеме окрему статю.) З конференції быв выданый зборник рефератів і выступів, котрый уж могли дістати прямо до рук єй участници. Зборник вышов у серії „ACTA UNIVERSITATIS PREŠOVIENSIS – Slavistický zborníк 2, 2016‟, a то під назвов „Dynamické procesy v súčasnej slavistike pri príležitosti 80. narodenín doc. PhDr. Vasiľa Jabura, CSc., a 20. výročia založenia lektorátu bulharského jazyka na PU (Prešov: Ústav rusínskeho jazyka a kultúry Centra jazykov a kultúr národnostných menšín Prešovskej univerzity v Prešove do Vydavateľstve Prešovskej univerzity, 2016, 362 s.)‟. Научнов редакторков зборника є проф. ПгДр. Юлія Дудашова, др. н., a eдіторков ПгДр. Кветослава Копорова, ПгД. „Zborník je výstupom z grantovej úlohy projektu VEGA MŠVVaŠ SR Dynamické nprocesy v sučasnej jazykovednej slavistike č. 1/0072/14 (2014-2016)‟.
У тім зборнику ся находять выступлїня і цїнны рефераты главно русиньскых, словацькых і булгарьскых науковцїв-славістів, якы были роздїлены до двох днїв конференції і до двох самостатных секцій: русиністічной і булгарістічной. В русиністічній секції (3. 11. 2016), окрем іншых, прозвучали такы темы: Hodnoty v jazyku проф. ПгДр. Осифа Сіпка, ПгД. із Словакії, Словотвореня у русиньскых діалектох: демінутатівы и ауґментатівы у бесїдї обывателюв ужаньского села Великі Лазы проф. Др. Михаіла Капраля із Мадярьска, Актуалный статус русиньского / лемківского языка в Польщи – загорожыня, способы охороны і ревіталізациі Др. габ. Олены Дуць-Файфер із Польска, Rusínske masmédia na Slovensku v kontexte Európskej charty regionálnych alebo menšinových jazykov доц. ПгДр. Анны Плїшковой, ПгД. із Словакії, З дакотрых правил орфоепії в русиньскім норматівнім языку на Словакії ПгДр. Кветославы Копоровой, ПгД., зо Словакії, До джерел карпаторусинської балади „Прощай, Росія, прощай, Кавказ‟ Др. Валерія Падяка з Україны, Karpatskí Rusíni a vývoj právneho postavenia ich jazyka do roku 1945 ПгДр. Станїслава Конєчного, к. н., зо Словакії, Семантика и дистрибуция дїєсловох осцилациї у войводянским руским язику Мґр. Канаме Окана із Сербії, Тематізація народной ідентіты в поезії Миколая Ксеняка Мґр. Михала Павліча і К шпеціфічным знакам діалектів ареалу Сниньского окресу на выход од рїкы Цірохы Мґр. Зденкы Цітряковой, докторандів ІРЯК ПУ. На другый день конференції дообіду было прочітаных сїм рефератів з области булгарістікы, котры ся находять тыж у нововыданім зборнику з даной конференції. Вцїлім зборник є цїнным вкладом до карпаторусиністікы і булгарістікы і наісто го будуть вывжывати науковцї і штуденты з даных сфер, але і іншы славісты...
(аз)
