31. 8. 2018: Уповномоченый дале робить на пошырёваню двоязычности

Довгодобым цілём Уряду уповномоченого влады Словацькой републікы про народностны меншын є просадити закон о хоснованю языків до штоденной практікы. В місяці авґуст з той причіны Ласло Буковскый ініціовав стрічу з ґенералным директором Желізніць Словацькой републікы Мартіном Едешіём, з котрым бісїдовав о можностях  росшырїня двоязычности на желізнічных штаціях і заставках.

Буковскый Ердешія пожадав о доповнїня двойязычных і доповнюючіх інформацій в меншыновім языку на желізнічных штаціях в селах, де народностна меншына творить холем 20 процент населїня. Ґенералный директор желізніць убезпечів уповномоченого, же веджіня компанії до 30-го септембра 2018-го року заналізує сітуацю і в припаді недостаточной аплікації закона о хоснованю языків народностных меншын зробить потрібны крокы.

Буковскый в авґустї так само писмом обернув ся ку старостам і пріматорам дакотрых меншыновых сел в Нітряньскім і Кошыцькім краю, в котрім їх жадать о выражіня ся ку можливости означіня автобусовых заставок і в меншыновім языку компаніёв „Arriva, a.s.‟  Меджі уповномоченым і директором той транспортной компанії перешло дакілько їднань в тій справі. Уряд уповномоченого чекать одповідї на писмо до кінця авґуста і з радостёв конштатує позітівный приступ і выражіня многых сел уж теперь.

Петро МЕДВІДЬ, жрідло: лем.фм