31. 3. 2020: Новый модел епідемії: При вершынї може быти 170 тісяч хворых, при помалшім шырїню кріза ся може натягнути до 2021 року

Штатны аналітіци змірнили одгады хворых і підкреслюють, же то є песімічный сценарь. Вершыну епідемії чекають в половинї юла. Кедь штат розшырить капаціту шпыталїв, знали бы сьме подля аналітіків сітуацію звладнути. Тверды крокы бы але мусили быти платны три аж штири місяцїв.

Міністерство здравотництва указало новы рахункы аналітіків Інштітуту здравотной політікы. Тоты змірнили одгады кількости хворых і підкреслюють, же є то песімістічный сценарь.

Принціпіална зміна є, же кедь ся розшырять капаціты про шпыталї, знали бы сьме подля аналітіків сітуацію звладнути. Тверды крокы бы але мусили быти платны три аж штири місяцї. Але мусили бы сьме забезпечіти двараз тілько вентілацій, як маме днесь. То вшытко указує актуалізованый модел штатного Інштітуту здравотной політікы.

„І наперек тому, же сьме доволили дакотрым обходам, жебы были отворены, сьме драматічно знижыли правдоподобность, жебы сьме тоту крізу сполочнї не звладли,‟ повів премєр Іґор Матовіч.

Аналітіци перераховали модел уж з новыма кроками, як суть повинны рушка і одступы меджі людей. Єдночасно рахують з тым, же ся звышить рух людей, кедь ся отворять даякы обходы. Сценарї принціпіално овпливнило то, же аналітіци знижыли одгад швыткости шырїня наказы.

Вершына епідемії ся чекать на переломі юна і юла і хворых у тым моментї може быти подля них 3,2 процента популації, значіть приближно 170 тіасяч жытелїв Словакії.

Вероніка ФОЛЕНТОВА, Даньєл КЕРЕКЕС, Denník N, перетлумачів із словацького языка: А. З.

Script logo