31. 3. 2020: Вступ чуджінцїв на теріторію СР

  • • Гранічный переход Ужгород – Вышнё Нїмецьке. Фото: Раімонд Спеккінґ.

    • Гранічный переход Ужгород – Вышнё Нїмецьке. Фото: Раімонд Спеккінґ.

З причіны взнику огрожіня верейного здоровя і потребы прияти крокы подля закона о цівілній охранї жытельства, влада Словацькой републікы выголосила 11. марца 2020 міморядну сітуацію на теріторії СР. Централный крізовый штаб СР прияв 12. марца 2020, окрем іншых, і транспортне обмеджіня в одношіню з захворїнём COVID-19.
В періодї од 13. марца 2020 не є можный вступ чуджіх штаных обчанів на теріторію Словацькой републікы з вынятком нижше уведженых припадів, причім повинность дотримовати карантену і далшы opatrenia Úradu verejného zdravotníctva SR тым не є доткнута:

  1. чуджінцї-близкы особы обчана СР, то є манжел/ка, малоліїтня дїтина, родіч малолїтнёй дїтины. Малолїтня дїтина, манжел/ка не мусить путовати вєдно з тым чуджінцём. Одношіня ся указує родным листом, свадьбяным листом (кедь чуджінець не має к діспозуіції оріґінал, стачіть проста копія). Покля є документ лем в чуджім языку, чуджінець мусить собі забезпечіти выроблїня перекладу (стачіть неофіціалный переклад) і при контролї укаже оріґінал в чуджім языку і тот переклад;
  2. чуджінцї, котры мають платный документ о перебываню на теріторії СР подля закона ч. 404/2011 З. з. о перебываню чуджінцїв і о змінї і доповнїню дакотрых законів у звучаню пізнїшых предписів і укажуть платне поволїня на перебываня, пребываючов леґітімаціёв, потверджінём о реґістрації перебываня;
  3. чуджінцї з переходным або трывалым перебыванём в погранічній теріторії сусїднёго штату, котры реґуларно ходять до роботы на теріторії СР і укажуть потверджіня о роботї;
  4. робітници діпломатічных місій, їм близкы сполупутуючі особы (манжел/ка, малолїтня дїтина), робітници орґанів і орґанізацій ЕУ і меджінародных орґанізацій з причіны неминучой дорогы до СР. При вступі укажуть діпломатічну леґітімацію, урядну леґітінацію, служобну леґітімацію;
  5. особы, котры мають удїлене поволїня на малый погранічный контакт і будуть вступати на теріторію Словацькой репуіблікы через вонкашню (словацько-украіїньску) граніцю;
  6. вступ на теріторію СР є уможненый вшыткым чуджінцям-шоферам накладного транспорту і накладным машынам, котры мають „CMR“ потверджіня о накладцї, як і наложеным машынам з причіны накладкы товару і транзіту через теріторію СР до іншого штату без „CRM“ підтверджіня (шофер неналоженой машыны мусить годновірным способом підтвердити цїль той їзды на накладку, респ. транзіт). Уможнить ся тыж вступ чуджінцям-шоферам накладного транспорту, котры путують іншыма способами транспорту, за передусловія, же ся пересувають до місця, де будуть робити накладный транспорт і тото дїло знають належно доказати.

Жадость о доповнюючі інформації над рамкы высше уведженых є треба адресовати прямо Уряду гранічной і чуджінецькой поліції Презідії Поліцайного збору СР – suhcp@minv.sk.

(Датум вытворїня: 17. 3. 2020, датум послїднёй актуалізації: 26. 3. 2020.)

Здрой: Міністерство загранічных дїл Словацькой републікы.  

Script logo