30. 9. 2022: Отримана инфо сесия на тему виберанкох за национални совити

НОВИ САД – Вчера у Новим Садзе отримана инфо сесия хтору орґанизовали ОЕБС и ЦеСИД, на тему виберанкох за нови зволаня националних совитох.

На инфо сесиї дати даскельо хасновити информациї коло Окремного виберацкого списку (ОВС). Насампредз визначене же ше до ОВС мож уписац по 28. октобер и вец ше прави пресек и виписую поволанки за виберанки котри буду отримани 13. новембра.

Кед слово о ОВС, важне надпомнуц же кед дахто менял мено, презвиско або адресу биваня, муши пойсц до матичара и поднєсц вимогу за вименку/дополнєнє податкох у ОВС, у месту дзе тераз жиє зоз особну карточку, же би ту достал поволанку на нове мено, презвиско або адресу.

Я. ДЮРАНЇН, Рутенпрес

(Публікуєме в оріґіналї – войводиньскім варіантї русиньского языка.)