30. 3. 2020: Влада приправила першы швыткы крокы на поміч економіцї

Братїслава 29. марца (TASR) – Влада приправила балик першых кроків на поміч економіцї засягнутой пандеміёв нового коронавірусу. Затля є їх сім, названых Перша поміч робітникам, фірмам і жьвностникам. Інформовав о тім в недїлю премєр Іґор Матовіч (OľaNO) з представителями остатнїх коалічных партій.

Штат наприклад планує заплатити 80 % мзды робітникам у фірмах, котры суть повинно заперты. Так істо дасть фінації про жывностників і робітників подля

конкретной міры знижіня заробків даной фірмы.

Влада дасть і банковы зарукы у вышцї 500 міліонів евр місячно, жебы были способны рефінанцовати подникателїв за выгодных подмінок.

Робітникам в карантенї і родічам, якы ся старають о члена родины, буде выплачованых цїлый час 55 % їх грубой мзды.

Влада приправила і одклад плачіня одводїв за робітника при знижіню заробків о веце як 40%  і одклад преддавків данї із заробку при знижіню зарібків о веце як 40 %. Подникателї будуть собі мочі зараховати нараз дотеперь невыжадану страту од року 2014.

Портал Уряду влады СР, перетлумачів із словацького языка: А. З.

Script logo