30. 11. 2024: З Інштітуту русиньского языка і културы Пряшівской універзіты – в США
Нашы колеґы, Михал Павліч, Зденка Цітрякова і Домініка Новотна взяли участь на 56. вырочнім засїданю ASEEES (Asociácia pre slovanské, východoeurópske a eurázijske štúdiá) в Бостонї.
На тім засїданю, де бере участь 3000 бадателїв, мала КАРПАТОРУСИНІСТІКА СВОЮ ВЛАСТНУ СЕКЦІЮ. Із своїм рефератом о русиньскій літертурї в нїй выступив Михал Павліч.
То, же єствує Інштітут русиньского языка і културы Пряшівской універзіты в Пряшові як унікатне робоче місце, выкликав великый інтерес участників подїї о ёго дїятельство і проєкты.
Нас порадовало, же дакотрых із них увидиме на 13. рочнику Меджінародной лїтнёй школы русиньского языка і културы – Studium Carpatho-Ruthenorum на Пряшівскій універзітї в Пряшові.
Высловлюєме велику вдяку Carpatho-Rusyn Research Center в США за позваня.
