3. 9. 2023: У Дюрдьове привитани першокласнїки

ДЮРДЬОВ – У дворе Основней школи „Йован Йованович Змай” у Дюрдьове вчера, 31. авґуста, привитани першокласнїки. Їх 67 нєшка першираз шеднє до школских лавкох. Школяре подзелєни до штирох оддзелєньох, а буду их учиц учительки Светлана Шовлянски, Драґана Маринков, Єлена Кухар и Миряна Тривунович.

Того року после пейц роки павзи, ознова отворене руске оддзелєнє, а до ньго ше уписали пецеро школяре. Їх будзе учиц учителька Єлена Кухар.

Директорка Любица Клепич привитала першокласнїкох и їх родичох и пожадала им успишни початок школского року. Школяре другей и штвартей класи новим пайташом пририхтали кратку програму.

Општина Жабель, як и прешлого року, обезпечела комплет учебнїкох за першу класу.

Л. ВЕРЕШ, Рутенпрес

(Публікуєме в оріґіналї – войводиньскім варіантї русиньского языка.)