29. 9. 2024: Дістав ся нам до рук новый часопис Карпатознавство

Як інформовав голова Русиньского културолоґічного клубу Юрій Шиповіч, 12-го юла 2024-го року в ужгородьскім Закарпатськім музею народной архіктуры і бываня – сканзенї одбыла ся презентація нового краєзнавчого часопису, котрый дістав назву Карпатознавство. Новый журнал вышов повнофаребно на 64-ох сторінках з тіражов 200 фалатків у выдавательстві РІК-У в Ужгородї. Основателём часопису, котрый є заміряный на веце научны статї із области карпаторусиністікы, є председа орґанізації Карпатьскый Русин – Василь Щербей, якый выданя і профінанцовав. Головным редактором журнала став Маріян Токар із Ужгородьской націоналной універзіты. Часопис Карпатознавство має статї писаны на україньскім языку, но першоджерела выходять оріґінално на русиньскім языку. Хоць часопис выйшов у юли, нам ся дістав до рук аж теперь.

В першім чіслї журналу Карпатознавство мож прочітати много інтересных статей, наприклад:

• Василь Керецман: Початки історічного краєзнавства на Закарпатті.

• Маріан Токар: Субʾєктивні візії сучасноґо історічного краєзнавства на Закарпатті.

• Оксана Ферков: До історії монастирів ордена св. Павла Відлюдника на теренах сучасного Закарпаття.

• Володимир Фенич: Хто такі карпатські русини?

• Михайло Зан: Наша европейска етноойкумена: де проживають карпатські русини сьогодні?

• Володимир Фенич: Анні Плїшковій – 60! І іншы.

Віриме, же новый часопис заінтересує многых Русинів, главно на Підкарпатю, але і за ёго граніцями. Желаме часопису і ёго реномованым авторам щастливу путь! Най приносить хосен вшыткым Русинам!

-р-