29. 7. 2017: Познайте проґрам ХXXVII Лемківской Ватры на Чужыні

В днях 4.-5. серпня/авґуста 2017. року в Михалові на Нижнім Шлеску пройде Лемківска Ватра на Чужыні. То найбільша русиньска подія в Польщы, яку од 1989 рока орґанізує Стоваришыня Лемків. Ватра протягом років про єдных стала ся просто монотонна, про другых може непотрібна, прото того рока єдным з цілів орґанізаторів є привернути Лемківскій Ватрі єй давний характер. Не іде про типовий фестіваль, де на сцені єдны выступуют, а в шатрах з пивом другы лем ідят і пют, але барже про ватру як символ шторічной стрічы поколінь Лемків, так як было то і колиси на заході, але передовшыткым на першых Лемківскых Ватрах в Горах, думкодавцями котрых были братя Трохановскы: Маестро Ярослав та Петро Мурянка, якы орґанізуавали ся як шторічна пленерова стріча ансамблю Лемковина.

Рік 2017 є роком 70. річниці нашого злочынного выгнаня, зато тіж в проґрамі ХХХVII Лемківской Ватры на Чужыні окрем того фестівальового найде ся і час на спомины, і час на рефлексию, просто час подумати кым сме, де ідеме, што повело ся вратувати од 1989 рока, коли сме змогли зас заістнінти. Прото тіж в оным тексті звернеме як медияльний партнер цілой подіі увагу лем на тото, што подля нашой редакциі найціннійше.

Єдным з інтересуючых пунтків тогорічной Лемківской Ватры буде сутботній дискусийний панель ведений Ярославом Горощаком, вчас якого буде мож похылити ся над темом акциі Вісла і вшыткого, што ся ней тыкат. Окрем того пройде проєкция документального фільму о выгнаню Лемків «Аж і слезы не старыли»Пятниця як перший ватряний ден буде часом ювілеів заслуженых для лемківской культуры, буде і часом вручыня Нагороды ім. Епифана Дровняка – Никыфора. Орґанізаторы заміряли тіж одкрыти пропамятну таблицю, яка своім змістом оддаст пошану вшыткым тым Лемкам, котры так добровільно, ай примусово пішли до Росиі, як і тым, котры в насильний спосіб были выгнаны в 1947 році. В проґрамі нашло ся тіж місце на конкурс присвячений темі акциі Вісла. З пошаном для нашых дідів, трираз протягом ватры будеме мати змогу выслухати жывых спомонів Выгнанця. Окрем того орґанізаторы рыхтуют ся одкрыти выставу о выселіню в 1947 році та вказати особливий проєкт «Народжены в 1947 році. 70. років пізнійше», якій вкаже чысло діти народженых в році нашого выгнаня, што встигли прити на світ іщы на Лемковині та на чужыні.

Пониже презентуєме дальшу, детальну част проґраму тогорічной Лемківской Ватры на Чужыні.

 

 

04.08.2017 р. – пятниця

19:00 год. – зложыня квітя при пропамятній таблиці і одкрытя выставы

19:30 год. – привитаня участників і розпаліня ватры – хор Зоря

19:45 год. – Лемківскій Ансамбль Пісні і Танця «Ластівочка»

20:30 год. – вручыня Нагороды ім. Никыфора за 2017 рік

20:45 год. – ансамбль Терочка

21:15 год. – спомины Выгнанця

21:30 год. – проєкция фільму «Аж і слез не старчыло»

23:00 год. – ансамбль Дуляровы Братя

00:00 год. – забава з ансамбльом Демай

4:00 год. – заверышня I-го дня Лемківской Ватры на Чужыні

 

05.08.2017 р. – субота

12:00 год. – розпочатя II-го дня Лемківской Ватры на Чужыні – спортовы змаганя 

14:00 год. – Ансамбль Пісні і Танця «Полянє»

14:30 год. – выступы дітячых ансамблів: КычеркаЛастівчата i Сонечка

15:30 год. – спомины Выгнанця

15:40 год. – індивідуальны выступы діти (рецитация і спів) та плястичний конкурс

16:15 год. – ювілеі та промоция выдавництв

16:30 год. – хор Зоря

17:00 год. – перерва

Дискусия на тему причын і наслідств акциі «Вісла»

18:30 год. – ансамбль Розтока

19:00 год. – ґрупа н’лем folk

19:20 год. – спомины Выгнанця

19:30 год. – Ансамбль Пісні і Танця «Кычера»

20:15 год. – «Народжены в 1947 році 70 років пізнійше»

20:30 год. – конкурс знань на тему акциі «Вісла»

21:00 год. – Сестры Бочнєвич і іх гості

22:00 год. – фольковий ансамбль Файна Ферайна

23:00 год. – ґрупа Надія

00:00 год. – забава з aнсамбльом Троянда

5:00 год. – завершыня забавы і загашыня ватры

 

Севериян КOСОВСКЫЙ

 

(Публікуєме в оріґіналї – лемківскім варіантї русиньского языка.)

Script logo