29. 4. 2022: Мілан ҐАЙ: Скончіло уж наше..., Розлука (Стихы)

Мілан Ґай

 

Скончіло уж наше...       

Скончіло уж наше

вірне любованя,

зохабила Ты ня, 

зістало плаканя.

 

Шкода уж мі теперь

проливати слызы,

Ты ся мі нукала,

я Тя выгнав з хыжы.

 

Опущеный дома

можу бановати,

кедь бы-м Тя не стратив,

міг бы єм Тя мати.

 

Теперь уж не можу

тото одчінити,

за хыбы што-м зробив,

мушу заплатити.

 

 

Розлука

Одышла єсь, як бы-сь нїґда

мене не стрїтила,

без розлукы і без слова

мене охабила.

 

Моє сердце смуток і жаль

стискать з каждой страны,

хто вылїчіть го з недугы,

хто загоїть раны?

 

Была Ты про мене люба

притяжлива жена,

споминам на Тебе в добрім,

прекрасна, блажена.

 

В памнятї буде на вікы

наше зознмалїня,

як ай днешнїй день розходу,

як плане знамлїня.

 

(Выбране з Літературного конкурзу Марії Мальцовской 2021)