29. 11. 2021: Засіданя Медженародной Консерваторской Рады ЮНЕСКО. Были в Туряньску, Команчы і Саноку

В днях 15. – 17. листопада/новембра 2021 в Ряшові проходило засіданя Медженародной Консерваторской Рады ЮНЕСКО – Деревяны церкви в польскым і украіньскым (позн. ред: україньскім, не лемківскім ???) реґіоні Карпат.

Взяли в ним участ представникы Польщы і Украіны, ґаздове обєктів вписаных на листу світовой спадковины ЮНЕСКО, представникы консерваторскых служб та Нацийонального Інституту Спадковины з Варшавы, Кракова і Ряшова, а тіж представникы Державного Історично-Архітектурного Резервату в Жолкві і Науково-Бадавчого Інституту Досліджынь Памятників в Кыйові. Стріча складала ся з двох основных елементів: студийной візиты в церкви покровы св. Михала Архангела в Туряньску, церкви покровы Богородиці в Команчы і Музею Народного Будівництва в Саноку та з Пленарного Засіданя Консерваторской Рады. В часі другой части выголошены были доповіди з обшыри охороны памятників. О рік подібна стріча пройде на Украіні.

Наталія МАЛЕЦКА-НОВАК, Лем.фм

(Публікуєме в оріґіналї – лемківскім варіантї русиньского языка.)

Script logo